ثلاجتك فى رمضان

2

التلاجة في رمضان مهم جدا أنها تبقى نضيفة دايما طب ازاي ده الاكل كله فيها والعصاير وحاجات تانية كتير
هاقولك تعملي ايه
كل حاجة حطيها في علبة شوية اكل باقين ومش هترجعيهم في الحلة تاني كل حاجة لازم تكون متغطية حتى لو معندكيش علب كفاية وهاتحطي في طبق غطي الطبق بالنايلون وطبعا تحطي حتة فحمة في التلاجة عشان تمتص اي روايح وبعدين كل يومين او تلاتة هاتي مية بكلور وقماشة وبليها واعصريها وامسحي مجرد مسح بس هتلاقيها زي الفل ومش هتتعبك لما تغسليها وممكن تحطي فيها ماء ورد عشان ريحتها تبقى ريحتها جميلة
ومن برة اغسليها برضة بالقماشة
وحطي على التلاجة من فوق مفرش عشان التراب مش كل شوية هتطلعي تنضفيها وممكن تحطي فازة او مثلا لو عندك ميزان بتاع الاكل او البرطمان اللي بيحطوا فيه الحبوب للزينة هيعمل منظر