عيدوا على ابنائكم

4
متنسيش تقولي لابنك
” كل سنة وانت طيب ياحبيبي ”
وتحضنيه حضن كبير 😘

متنسيش تقولي لبنتك
” كل سنة وانتي طيبة ياحبيبتي” وتحضنيها حضن كبير 😘

اعطيهم العدية وانتي مبتسمة وسعيدة وياريت تلفيها في شيكولاتة وبنبوني 🍫🍬

شغلوا اناشيد العيد عشان يحسوا بالبهجة والفرحة وغني معاهم 🎶

جهزي لعبة مشتركة تقدروا تلعبوها كلكم كأسرة مع بعض وتتشاركوا فيها زي كوتشينه مثلا ♣️

جهزوا اكلة مميزه وغير متوقعة هما بيحبوها عشان يرتبط يومهم بذكريات ممتعة ولذيذة 😋

متنسيش تاخدي عديتك انتي كمان من زوجك وتشكريه .. ماتتنازليش عن العيدية حتي لو ١٠ جنية 😉

لما تاخدي عيديتك اشكريه واحضنيه واظهري فرحتك بالعيدية قدامه🥰 !!

بلاش مشاكل وقت العيد .. كبري دماغك وتجنبي أي حوارات تعمل مشكلة في البيت .. أجّلي الخناق علي أي حاجه واقلبي جو البيت فرحة وبهجة وسعادة 🤩

قولي لزوجك أنا عايزة افرح بالعيد وانبسط وادلع .. وكلميه كلام حلو عشان لو فيه اي مشاريع عكننة ونكد 👈تختفي قبل ماتكبر 😂

ركزي علي الفرحة والبهجة وانشريها في
بيتك مع ولادك وزوجك 😍 واصنعي ذكريات مميزة بينك وبينهم 💕